Ринат Рахматуллинның яшь хатыны җырчы белән акчасы өчен яши?

Динараны үзеннән 26 яшькә өлкәнрәк Рахматуллин белән акчасы һәм популярлыгына кызыгып кына яши, дип уйлаучылар байтак. Һәм алар бу турыда аның үзенә язалар.

Аңа социаль челтәрләрдә«Син аның белән акчасы өчен генә яшисең», «Күренеп тора бит, гел ул түли» шикелле комментарийлар еш килеп тора. 

«Барлык әйберләремне дә мин үзем түләп алам. Ринат белән кая да булса барсак, ул түли. Моның нинди сәерлеге бар? Ир-атның янәшәсендәге хатын-кызны кайгыртуы – минем өчен нормаль күренеш.

Тагын, беләсезме, нәрсә кызык? Ринатның авыр вакытлары булды, ул колониядә утырды. Ул чакта Ринат беркемгә кирәк түгел иде. Киресенчә, аның шулай түбән төшүенә шатланучылар бихисап булды. Ә хәзер, барысы да җайланып килгәндә, безнең бәхетле икәнне күреп, кешеләрнең эчләре яна», — дип тапкыр җаваплаган ул.

Фото: социаль челтәрләр.