Абзарга ут кабып, 18 баш мал янып үлгән

Русия Гадәттән тыш хәлләр министрлыгының БР буенча матбугат хезмәте мәгълүматы буенча, 31 мартта, Абзаково авылында бер гаиләнең йортына ут капкан. Ялкын башка каралты-курага да үрелгән: "летник", гараж, абзар, мунча һәм веранда да янган. Кызганычка каршы, бу янгында абзар эчендәге 18 баш вак мал-туар һәлак булган.

Ведомствода янгынның сәбәбе - балаларның ут белән шаяруы булырга мөмкин, дигәннәр. Әле ныклап тикшерү бара.