Мошенниклар йоклап ятмый

Мәләвез районыннан 62 яшьлек пенсионер апага "Энергосбыт"ның ялган хезмәткәре шалтыраткан. Ул хатын-кызга хезмәт күрсәтү килешүен озайтырга һәм электр счётчигын алыштырырга кирәк, дип хәбәр иткән. Чиратка язылу өчен шалтыратучы бу апага килгән СМС-кодны сораган. Аны мөрәҗәгать итүче әйтеп тә салган. Аннары янәсе тикшерүчедән шалтырату килгән, ул хаклы ялдагы ханымның шәхси мәгълүматларын җинаятьчеләр кулына эләккән, дип хәбәр итә. Вәзгыятьне хәл итү өчен "белгеч" зыян күрүчене булган акчаларын куркынычсыз счетка күчерү кирәклегенә ышандыра. Мошенникларга ышанып, ул чит счетларга 1,5 миллион сум күләмендә акча җибәргән.

Мондый мошенниклык факты Уфада да теркәлгән. Башкалада 71 яшьлек мөрәҗәгать итүчегә шулай ук янәсе "Энергосбыт компаниясе" хезмәткәрләреннән шалтырату килгән. Өлкән яшьтәге ханым  җинаятьчеләр аның шәхси мәгълүматларын үзләштергән кодны хәбәр иткән. Аннары аферистлар үзләрен банк һәм Федераль куркынычсызлык хезмәте вәкилләре дип таныштырган. Нәкъ алар аны акчаларны чит илгә җибәрүне булдырмау сылтавы белән 1,5 миллион сумнан артык акчаны "яңа банк счетына" күчерергә күндергән.

Караклыкның тагын бер факты Уфада теркәлгән. Шәһәр предприятиеләренең берсендә эшләүче 52 яшьлек хезмәткәренә янәсе пенсия фонды белгечләреннән шалтырату килгән. Шалтыратучы хәбәр иткәнчә, аның хезмәт стажы исәпкә алынмаган һәм хәзерге вакытта бу хатынга торгызырга кирәк, дигәннәр. Ялган хезмәткәргә СМС-кодны хәбәр итеп, гариза бирүче янәсе консультациягә язылган булган. Аннары элемтәгә "банк вәкиле" кергән, ул гражданканың банк счеты хакер һөҗүменә дучар булган һәм өченче затлар аның акчаларыннан файдалана алмасын өчен аларны башка счетка күчерергә кирәк, дип хәбәр иткән. Хатын-кыз аферистлар күрсәтмәләрен үтәгән һәм 600 мең сумнан артык акчадан колак каккан.

Башкортстан Республикасы буенча Эчке эшләр министрлыгы кисәтә: таныш булмаган кешеләргә акча күчермәгез. Янәсе банк хезмәткәреннән шалтырату кергән очракта - телефонны куегыз. Берничек тә үз карталарыгызның реквизитларын һәм сезнең телефонга килә торган СМС-кодларны хәбәр итмәгез. Уяу булыгыз!

Юлай НИЗАЕВ әзерләде.

Фото: социаль челтәрләр.