Әнвәр Нургалиев: "Апамның төшенкелеккә бирелергә вакыты булмады"

 - Балаларны Ватанны саклаучылар көне белән котлап килдек! Нигә, ни өчен, нигә болай булды, кебек сораулар җибәрми – барысы да күз алдында. Балалар көннән-көн үсәләр, олыларга хас акыл бар үзләрендә. Боларның барысы өчен дә апама рәхмәтле булырга кирәк. Бу фаҗигадән соң, Рәйсә апаның бер генә тапкыр да төшенкелеккә бирелгәнен күргәнем булмады. Ә бит 3 кечкенә баланы тәрбияләү бер дә җиңел түгел. Ул алар өчен әти дә, әни дә, әби дә.

 Язмышның шулай гаделсез булуы бик ямансу... Балаларның эчендә нинди уйлар барлыгын бер Аллаһы Тәгалә генә беләдер. Аллаһ боерса, балалар үзләрен башкалардан ким хис итмәсеннәр өчен, барысын да эшләрбез. Хөрмәтле тыңлаучыларым, язылучыларым, онытмаганыгыз өчен сезгә дә бик зур рәхмәт, – дип Әнвәр үзенең фикерләре белән уртаклаша ул социаль челтәрләрдә.