Нефть базасындагы янгыннан соң өч хезмәткәрнең гәүдәсе табылган

Коткаручылар Уфа районы Нөрле авылы тирәсендә урнашкан нефть базасында янгыннан соң өч хезмәткәрнең гәүдәсен тапканнар.  Тагын бер хезмәткәрне эзләү дәвам итә.

Ике көн элек  Транснефть компаниясенең җитештерү станциясендә ягулык белән резервуарда шартлау булып, коточкыч  янгын чыкты. Өч хезмәткәр җитди пешүләр белән хастаханәдә ята. Аларның хәле һаман да авыр дип бәяләнә.

Чыганак: Mash Batash МАХ-каналы.