Уфада тагын җир убылган

Шушы көннәрдәге койма яңгырлардан соң башкаланың Зелёная роща  бистәсендәге Софья Перовская урамында җир убыла башлаган. Җирле халык сөйләвенчә, тишек күптән түгел хасил булган һәм ул зурайганнан-зурая. Әмма аны берничек тә билгеләмәгәннәр: махсус тасма белән дә уратып алмаганнар,  берәр койма яисә билге дә юк.

Уфада җир убылу очраклары әледән-әле теркәлеп тора. Мәсәлән, быел язын Черниковка бистәсендә  җиңел машинаны җир йоткан иде. 

Июнь башында тагын бер шундый очрак теркәлде. Анысы да Зелёная роща бистәсендә...

Чыганак: Mash Batash Телеграм каналы.