Уфада бер машинаны җир "йоткан" (ВИДЕО)

Бүген төн уртасында Уфаның Интернациональная урамы,193/1 йорты янында җир убылып, «Лада-Калина» автомобиле чокырга төшеп киткән.

Бу урынга ашыгыч хезмәтләр, коткаручылар җибәрелгән. 8 метр тирәнлектән җиңел машинаны махсус техника ярдәмендә чыгарганнар. Автомобиль бераз яньчелгән.

Чокырга якын торган башка машиналарны да эвакуацияләгәннәр.

Хәзер бу хәлнең сәбәбләре ачыклана. Зыян күрүчеләр юк.

Чыганак: Башинформ.