Шартлау яңгыраган фатир хуҗалары - реанимациядә

БР сәламәтлек саклау министры Айрат Рәхмәтуллин  Уфа районы Михайловка бистәсендәге күп катлы йорт фатирындагы көчле шартлаудан каза күргәннәрнең хәле турында сөйләде. Табиблар хәбәр итүенчә, 49 яшьлек ир-ат – бик авыр хәлдә, ә 52 яшьлек хатынның хәле авыр дип бәяләнә.

Аларны республика пешүләр үзәгенең реанимация бүлегенә салганнар. Гомерләрен саклап калыр өчен медиклар кулдан килгәннең барын да эшли.

Әлегә билгеле булуынча, фаҗиганең сәбәбен көмешкә кою аппаратына ут кабу дип атыйлар. Фатирның ишек һәм тәрәзәләре чыгып очкан, тарттырылган түшәм эреп төшкән.

Чыганак: bashinform.ru