"Ут буенча күршеләр"

Башкортстан әдәбиятын тәрҗемә итү проектында катнашу өчен масштаблы конкурска йомгак ясалды.

31 октябрьдә Башкортстан Язучылар берлеге тарафыннан оештырылган Башкортстан язучылары әсәрләрен тәрҗемә итү буенча “Ут буенча күршеләр” әдәби-агарту проектында катнашу өчен бәйгегә йомгак ясалды.

Башкортстан Башлыгы грантлары фонды, башкорт яки татар телләрендә язучы Башкортстан әдәбиятчыларының әсәрләрен рус телендә бастырып чыгару мөмкинлеге биреп, тәрҗемәчеләргә ярдәм итте.

Бәйгегә республиканың гына түгел, Русия буенча 63 тәрҗемәчедән 80 гариза килгән, шуларның берсе – Литвадан. Гаризаларның яртысы –“Шигърият” номинациясенә карый. Тәрҗемәчеләр Башкортстанның 45 шагыйре һәм прозаигы әсәрләре өстендә эшләргә теләк белдергән.

Әдәби басмалар баш мөхәррирләре, нәшриятлар, рәсми структуралар вәкилләре һәм илнең билгеле тәрҗемәчеләреннән торган эксперт комиссиясе 80 тәкъдимнән бастырып чыгару өчен 5 китапны сайлап алган. Һәр номинациядән – бер китап.

“Эре проза” номинациясендә Мәрьям Буракаеваның Зөһрә Буракаева тәрҗемәсендәге “Аргымак” дидактик романы чыгачак. “Проза җыентыгы” номинациясендә – Алик Шакиров тәрҗемәсендә Таңчулпан Гарипова хикәяләре. “Поэзия” номинациясендә – Юрий Татаренко тәрҗемәсендә Башкортстан шагыйрьләре лирикасыннан торган “Бәхет эзләү” җыентыгы. “Балалар һәм яшүсмерләр өчен иң яхшы әсәр” номинациясендә – Заһидә Мусина тәрҗемәсендә Дилә Булгакова хикәяләре. “Классик” номинациясендә – Юлдаш Ураксин тәрҗемәсендә Зиннур Ураксин прозасы.

Нәтиҗәдә, проектта катнашкан тәрҗемәчеләр ике ай дәвамында эшли алачак, шуннан соң алар әзерләгән китаплар бастырылачак һәм укучыларга тәкъдим ителәчәк. Проектның нәшрият фонды – 1500000 сум.

#ФСГОРБ#ГрантыРБ#нкогранты2024