Сыер тизәге белән бәрешү бәйрәмен үткәргәннәр

Һиндстанның Карнатака штатында ел саен сыер тизәге белән бәрешү - Горехабба фестивале үткәрелә.

Бәйрәмдә катнашучылар бу көнне, гасырлар буе дәвам иткән ышануларга ияреп, бер-берсенә сыер тизәге сылыйлар, аның белән атышып уйныйлар.

Монда яшәүче халык йолалары буенча, бу чистарыну көченә ия икән: гөнаһлардан азат итә, уңыш китерә һәм явыз көчләрдән саклый. Анда яшәүче халык, сыер тизәге индуизмда сыерның изге статусы аркасында, үзенчәлекле сыйфатларга ия дип ышана.

Ә бу бәйрәмдә тирес исенә ничек түзәләр икән соң – монысы билгесез... 

Ярый әле шунда тумаганбыз, дип уйлап куйдыгызмы?