Крокодил башы белән кайткан

Үз башың да кирәк шул.

Башкортстан таможнясы хезмәткәрләре Уфа аэропортында Утапаодан (Таиланд) килгән пассажирда гадәти булмаган багаж – киптерелгән крокодил башын тапканнар. Бу хакта Таможня матбугат хезмәте хәбәр итә.

Пассажир аны үзенең карачкылар коллекциясе өчен сатып алуы турында аңлаткан. Тик менә экзотик сувенирны декларацияләргә кирәклеген ул белмәгән. Җитмәсә, сатып алуын раслаучы документлары, сертификаты да булмаган.

 Таможня хезмәткәрләре табылдыкны алган, экспертиза моның чыннан да крокодил башы булуын раслаган. Ул юкка чыгу куркынычы астында булган кыргый флора һәм фауна төрләреннән санала һәм ул халыкара сәүдә турындагы Конвенция нормалары буенча карала.

 Мондый әйберләрне рөхсәт документлары буенча гына кертергә мөмкин, аларны мәҗбүри рәвештә декларацияләргә кирәк Таможня чикләүләрне үтәмәү һәм товарларны декларацияләмәү турындагы маддәләр буенча административ эш кузгаткан. Карачкыны конфискацияләгәнәр, моннан тыш, бу карачкылар җыярга яратучыга штраф та түләргә туры киләчәк.

Фото: Башинформ