“Ут-хатын” подписчиклары белән мәеткә маникюр ясаган

Җәнҗаллы блогер Гүзәл Хөснетдинова шоуда катнашучы подписчикларыннан чираттагы биремне үтәүләрен таләп иткән. Хатынның укучылары вафат булган хатынга маникюр ясарга тиеш булган. Хөснетдинова үзе дә укучыларына кушылган, моны ул балачак хыялын тормышка ашыру дип аңлаткан. Проект өчен Липецкидагы шәхси моргларының берсен сайлаган. Сынау вакытында ике катнашучы үзен начар хис итүе билгеле.

“Ут-хатын” 2021 елда подписчикларына кабер казып, шуның эчендә бер сәгать ятарга дигән бирем биргәч, җәнҗал чыгып танылган иде. Анда блогер хатынга карата прокуратура тикшерү оештырган булган.

2023 елның көзендә әлеге блогер һәм  күп балалы ананың Яр Чаллыда янә начар даны таралды. Анда ул чираттагы подписчигын янә кабергә “яткырырга” уйлаган иде. Бу сынауны “Ут-хатын” Яр Чаллының җирле мөхтәсибәте аның “яулыклы убырлар” кием линиясен күрсәтүгә каршы чыгуы турындагы яңалыктан соң ук уйлап тапкан ибе. Биремне танылган блогер булырга хыялланган укучы Юлия алган иде.

2023 елныэ апрелендә Чистай үзәгендә Хөснетдинованың  кызын яшьтәшләре  кыйнаган. Укучы кызларның әүмәкләшүе видеокамераларга эләккән булган. Ул вакытта Чистай полициясенең балигъ булмаганнар эше бүлеге тикшерү оештырган булган.

Быел гыйнвар аенда блогер хатынның малайлары урамда сугышканнар. Малайларның берсе узгынчы хатынга кар йомарламы белән эләккән, ул хатынны яшь ир-ат һәм суд приставлары хезмәткәрләре яклап чыккан.

Липецк моргындагы очрак белән дә хокук саклау органнары кызыксынган.

Ирексездән халык телендә йөргән бер әйтемне “Гаиләдә блогер булуы – кайгы” дип үзгәртәсе килә.

Чыганак: Светлый |Чистополь Телеграм-каналы.