Уңышлар сиңа, Камиләкәй!

Иң акыллы кызларның берсе  ул!

Ульяновск шәһәренең 100нче губерния лицеенда укучы Камилә Әбелханова «Умницы и умники» Бөтенрусия телевизион интеллектуаль олимпиадасының финалына чыкты, дип хәбәр итте өлкәнең  мәгариф идарәсе.

«Горурлыгыбыз һәм шатлыгыбыз чиксез», – дип язып чыкты 11 сыйныф укучысы Камилә турында өлкәнең «Өмет» гәзите.

Камилә беренче сорауга төгәл җавап бирә алмаган, «Ва-банкка бару» хокукын сайлап алган һәм, өстәмә сорауга дөрес җавап биреп, бәйгедә калган.

Олимпиада җиңүчесе МГИМО студенты булу хокукын ала.

Уңышлар сиңа, Камиләкәй!