3 хатыны һәм 14 баласы белән бер фатирда яши

Берьюлы өч хатыны  һәм 14 баласы белән яшәүче Иван Суховның гаиләсен Мәскәүнең бала хокуклары буенча вәкаләтле вәкиле тикшерәчәк. Тәрбия ысуллары турында сөйләгән интервьюдан соң  Сухов меңәрләгән русиялене үзенә каршы котырткан.

“Кечкенә илнең президентигы” (Иван үзен шулай атый) сөйләвенчә Мәскәүдәге өч бүлмәле фатирда аның бар гаиләсе яши, аерым бүлмә бары тик аның өчен генә каралган. Кайчан тели – шул вакытта төрле хатыннары белән йоклый, презерватив кебек саклану чараларын бөтенләй инкарь итә һәм 50 балага ата булырга хыяллана. Иван сүзләренчә, ул гаиләсенә аена 75 мең сум акча тотына һәм хатыннарына аның рөхсәтеннән башка туңдырма, хәтта су сатып алуны тыя.

Үзенең YouTube каналын алып барган журналист Саша Сулимның  чираттагы интервьюсы халыкның асуын кабарткан. Алар балалар хокуклары үтәләме, юкмы икәнне тикшерүне таләп итә. Гомумән 70 кв.м мәйданда шулкадәр кешегә яшәү уңайлымы икән, балаларга мәктәпкә йөрүне тыеп, аларны социализацияләнү мөмкинлегеннән мәхрүм итмиләрме икән, дип борчылалар  батараф булмаган кешеләр. Ә балаларның мәктәпкә йөрүен  Сухов анда, янәсе, начар йогынты булыр дип тыя.

Сухов сүзләренчә, ул җитәрлек акча эшли һәм аның гаиләсе аның белән күңелле һәм бәхетле тормышта, бернигә ихтыяҗ кичермичә яши. SHOT Телеграм-каналы мәгълүматы буенча, Иванның башкалада күчемсез милеге юк, аның исеменә Владимир өлкәсендә фатир  һәм УАЗ-“Патриот” машинасы теркәлгән. Берничә ел  элек суд  приставлары аңа штраф салмакчы булган, әмма бурычлы ирнең ни милеге, ни кереме булмаган. Суховның, имеш тә “Преображение” көнкүреш приборларын ремонтлаучы фирмасы бар. Әмма 2021 елдан алып керемнәре буенча исәп-хисаплар ясалмаган. Күп хатынлы ир сүзләренчә, гаиләсенә балалар пособиеләре бик тә ярдәм итә.

Интервьюны караучыларның шуңа да җене кабарган: балаларны кече яшьтән үк диярлек димлиләр: кыз балаларны икенче яисә өченче хатын булырга әзерлиләр, ә малайларны – күп хатынлы булырга. 

Чыганак: SHOT Телеграм-каналы.