Уфада 1 миллион сум откан кешене эзлиләр

Башкортстандагы “Милли лотерея” җиңүче-миллионерны эзли. Ул “Мечталлион” тиражында 1 млн сум откан. Билет 12 декабрьдә Уфада Русия урамы, 147 адресы буенча урнашкан бренд сату ноктасында сатып алынган.

“Милли лотерея" катнашучыларны отыш предметына билетларны тикшерергә чакыра. Моны QR-код буенча эшләү җиңелрәк.

"Уфадан билгесез җиңүченең бәхетле билеты мобиль телефон номерына бәйләнмәгән иде, шуңа күрә ул үзенең җиңүе турында белмәскә дә мөмкин. Мондый очракларда без төбәктә җиңүчене эзләү турында игълан итәбез, чөнки бәхетле кеше җиңү турында смс-хәбәрнамә алмаган һәм, бәлки, розыгрышның турыдан-туры трансляциясен үткәреп җибәргәндер”, – дип билгеләп үттеләр Русия Финанс министрлыгы оештырган Бөтенрусия дәүләт лотереяләре бренды матбугат хезмәтендә.

Эх-х-х... Вәт шулай көтмәгәндә миллион сум отарга! Бәхет акчада түгел дисәләр дә, күпме  проблемаларны хәл итеп булыр иде...

Чыганак: bashinform.ru