Кызларына “Орешница” дип исем кушарга телиләр

Татарстанда  күп балалы гаиләдә тагын бер  кыз туарга тиеш.

Яр Чаллыда яшәүче Суховларның 14 баласы бар. Кече кызларына алар Россия-Святосия-Святороссия (фотосурәттә) дип исем кушканнар. Күп балалы әти Владимир сүзләренчә, әле алар унбишенче сабыйларының дөньяга килүен көтәләр – аның хатыны йөклелекнең дүртене аенда, ди. Табиблар кыз бала туачак, дип хәбәр иткән.

Ата-ана сүзләренчә, алар туачак кызларына ракетага багышлап, Орешница дип исем кушарга  телиләр. Бу сорау буенча алар инде берничә көн фикер алыша. Тиздән Суховлар ахыргы карарга килергә тиешләр. 

Чыганак: SHOT Telegram-каналы.