Уфада исерек хатын автобуска шешә ыргыткан (ВИДЕО)

Уфада исерек хатын автобуска шампан шәрабы шешәсе ыргытып, тәрәзәсен ваткан, соңыннан узгынчылар белән якалашып киткән.

Телеграм-каналлар язуынча, ике ахирәт бүген иртән  маҗараларга юлыккан. Шаһитлар сүзләренчә,  ике дус кыз Цюрупа урамыннан китеп барган, берсе  автобуска буш шешә ыргыткан. Шампан шәрабы яратучылар  шунда ук качарга теләгән, әмма кешеләр аларны автобус салонына сөйрәп алып кергән һәм полиция чакырткан. Ахирәтләр автобус салонында да җәнҗал куптарганнар, ә берсе исә тәрәзәдән сикергән һәм урамнан узучылар өстенә барып менгән. Ахырда ахирәтләрне полиция бүлегенә алып киткәннәр. Ай-һай, яшьләр бигрәк ямьсез кылана.

Чыганак: SHOT Telegram-каналы.