"Балаларыбызның моны күзәтүе ошамый"

Волгоградта яшәүче хатын-кызлар Pole Dance «Мулен Руж»  биюләр мәктәбенә зарланган. Бу мәктәп балалар спорт секциясенә каршы урнашкан һәм андагы биюләрне тәрәзәдән күзәтергә була. Хатын-кызлар фикеренчә, колга белән биюләр “ныгып бетмәгән шәхесләрне” аздыра.

“Балаларның биюләрне күзәтүе ошамый. Көрәш залы белән  студия арасында  – тар гына юл. Балалар көлә, бармак белән төртеп күрсәтә һәм күргәннәре турында бертуктамый фикер алыша. Әгәр дә бу спорт икән – шәһәр үзәгендәге фитнес-үзәктә шөгыльләнегез. Ныгып бетмәгән шәхесләрне аздырмагыз”, – дип сөйләгән “Динамо”стадионындагы спорт секциясендә шөгыльләнгән  баланың әнисе.

Хатын сүзләренчә, стадионның спорт секциясенә балаларны гадәттә әтиләре йөртә. Ирләр дә, дип сүзен дәвам итә хатын, чиратка тезелеп сәгать ярым дәвамында хатын-кызларның колга белән биегәннәрен карап тора. Аларны көн саен күзәтеп була икән.

Ә менә “Мулен Руж” биюләр студиясе җитәкчесе 10 ел эш дәверендә мондый шикаятьләр булмавын сөйли. “Безнең хатын-кызларыбыз үзләренә ныграк ышансын иде. Ә менә башка хатыннарның матуррак булуларына игътибар итү...  Ул көнчелек”, – ди “Мулен Руж”  студиясе җитәкчесе.

Ханым шулай ук студия тәрәзәләренә пәрдәләр элергә вәгъдә биргән.

Чыганак: lenta.ru