Госуслуги аша гаилә коручылар арткан

Быел русиялеләр дәүләт хезмәтләре (госуслуги) порталында никахлашу турында - 410 мең һәм аерылышу турында 70 мең гариза тапшырылган. Мондый статистиканы Русиянең Саннар министрлыгы китерә.

Никахлашырга ниятләгән хатын - кызларның уртача яше - 31, ир-атларның 33 яшь. Гаиләләр 37 яшьләрдә аерылышалар икән.  ЗАГСка никах турында гаризалар ешрак җомга һәм шимбә көннәрендә, ә аерылышу турында сишәмбе көнне бирелә.