Кинәт бала таба

Британиянең Уоррингтон шәһәрендә яшәүче хатын-кыз йөклелекне эч авырту дип кабул итә һәм көтмәгәндә кыз бала таба.

27 яшьлек Эмили Грэм күрем вакытында авырткан кебек корсак авыртуы белән уянган. Хатын-кыз авыртуны эч катуы аркасында дип уйлаган, ләкин аның хәле тиз начарланган. Тиздән хатын-кызның тулгагы башланган. Тормыш иптәше тиз арада ашыгыч ярдәм чакырган. Хатын-кыз үз өендә караватта ятып кыз бала тапкан. Кыз сәламәт туган, аңа Изабель дип исем кушалар. Бала тугач, әни белән баланы дәваханәгә алып китәләр.

Грэм үзенең йөкле булуын белмәвен һәм баланың кинәт тууына гаҗәпләнүен белдергән. Анда йөклелек билгеләре булмаган. Аның күреме туктаса да, ул моны үз авыруы белән бәйләгән. Хатын-кыз үзенең авырлыгы артуын бәйрәмнәр вакытында артык ашау белән аңлаткан.

Бала туарга берничә сәгать кала Грэм эшләгән. Күптән түгел ул корпоративта күңел ачкан, ә йөклелегенең алтынчы аенда Флоридага, АКШка сәяхәт вакытында өч тапкыр Американың иң тиз тауларында йөргән.

Чыганак: lenta.ru