Машина өстенә кар төшкән (ВИДЕО)

Уфа үзәгендә  юлда китеп барган машина өстенә кар өеме төшкән. Бу хәл Чернышевский һәм Цюрупа урамнары чатында теркәлгән.

“Уфанет” компаниясе камералары төшергән кадрларда машинаның светофорга туктавы күренә. Шулчак янәшәдәге бина түбәсеннән кар өеме төшә һәм җиңел машинаны каплый. Берничә секундтан соң түбәдән тагын кар төшә. Шуннан соң гына водитель һәм пассажир салоннан чыгып, машиналарын карыйлар. Каза күрүчеләр юк. Автомобильләр хәрәкәте өзлексез  арытаба дәвам иткән.

Чыганак: bashinform.ru