+21 °С
Болытлы
Дөньяда ниләр бар?
22 август 2022, 07:36
Урта Азиядәге иң зур мәчет ачылды
Казахстанның элеккеге президенты Нурсолтан Назарбаев Нур-Солтан каласында иң зур мәчетне ачу тантанасында катнашкан.
Урта Азиядәге иң зур мәчет ачылды
Мәчеткә нигез 2019 елда Нурсолтан Назарбаев инициативасы буенча салынган.
Әлеге мәчет – Казахстанда гына түгел, Урта Азиядә иң зурысы. Төп гөмбәзенең биеклеге – 90, манараларыныкы – 130 метр. Мәчет бер үк вакытта 235 мең кешене сыйдыра ала – ул сыйдырышлылыгы буенча дөньядагы иң зур мәчетләрнең берсеннән санала.
Искә төшерик: быел гыйнварда Казахстанда, ягулык бәяләре артуы сәбәпле, зур протестлар булды. Кыска вакыт эчендә таләпләр сәясигә әверелде: манифестка чыгучылар Назарбаевның сәясәттән китүен таләп иттеләр. Нәтиҗәдә илнең элеккеге президенты берничә вазифасыннан мәхрүм ителде, илнең яңа конституциясеннән аның турында искә алынган урыннарны алып ташладылар.
