Санкцияләре үзләренә зыян сала

РФ Иминлек советы рәисе урынбасары Дмитрий Медведев Евросоюзның Русиягә каршы салынган санкцияләренең ныграк үзләренә зыян китерүе турында фикерен белдерде. “Европаның Русиягә зыян салу, Украинага ярдәм итү, үзенең икътисадына зарар китермәү нияте барып чыкмады. Матур килеп чыкмады. Европада үзләренең салкын торакларында туң тәрәзәләреннән сүнә баручы предприятиеләренә карап өшеп утыру куркынычы бар. Шул ук вакытта алар Киев режимына корал озатуны арттыру һәм җиңгәнчегә кадәр сугыш турында сөйлиләр. Сөйләнсеннәр әйдә... Тиздән салкыннар киләчәк...”,—диде Дмитрий Медведев.

Фото: utro.ru