“Макдоналдс”ның элекке хезмәткәре иң зыянлы эчемлекне атаган

Ресторанда кайчандыр эшләп киткән Николь Вайзер шикәрле чәйне иң зыянлы эчемлек дип саный.

Вайзер сөйләвенчә, ул фастфуд-ресторанда өч ел эшләгән. Ресторанда, гадәттә, чәй тутырылган 15 литрлы ике савыт булган. Берсе – шикәрле, икенчесе – шикәрсез. Тәүге вакытларда хатын шикәрле чәй эчәргә яраткан. Әмма бермәлне ул бу чәйне ничек әзерләүләрен күрә һәм шул вакыттан алып аны эчмәс була.

Һәр 15 литр чәйгә 2 килограмм шикәр салуларын күргәч, хатынның исе киткән. “Моннан соң биредә әзерләгән  татлы чәйне эчми башладым. Коточкыч күп шикәр салалар бит!”  – дигән Вайзер.

Бу хәбәр астындагы комментарийларда кешеләр Вайзерга дөресен сөйләгәне өчен рәхмәт сүзләре язганнар. Кайберәүләр татлы чәйне шикәрсез чәй белән кушып эчәргә тәкъдим иткәннәр. Артык шикәр кулланмас өчен  кафе-рестораннарда гел су эчәргә кирәк диючеләр дә булган. 

Чыганак: lenta.ru