Тиздән Олимпиада башланачак

Кытай Халык Республикасы рәисе Си Цзиньпин ил властьлары дөньяга Пекиндагы мәгърур Кышкы Олимпиаданы күрсәтер өчен кулыннан килгән бөтен эшне эшлиячәген белдергән иде.

Русия Олимпия комитеты раслаган команда составына ярашлы, Кышкы уеннарга барачак милли командабызга 461 кеше кертелгән. Шуларның 212се спортчылар:103 — хатын-кызлар, 109 — ир-егетләр.

         Әлеге вакытларда спортчыларыбызның төп составы Пекинга киткән дә инде. Алар арасында биатлон, тимераяк спорты, хатын-кызлар хоккее, шорт-трек командалары.