Вирус аяк чалган

Катнашучылар арасында COVID-19 вирусы таралуы турында билгеле булгач, "Дөнья гүзәле - 2021" чибәрлек конкурсын башка вакытка күчергәннәр. 70 нче халыкара чибәрлек бәйгесенең финалы 17 декабрьдә Пуэрто-Рико утрау дәүләтенең башкаласы Сан-Хуанда үтәргә тиеш булган. Жюри дөньяның 97 иле катнашучылары арасында җиңүчене билгеләргә җыенган булган.
Бу карарны, катнашучыларны һәм бәйгене оештыручыларны коронавирус инфекциясенә тикшергәннән соң, кабул иткәннәр. Мәгълүматларга ярашлы, дөньякүләм чараның финалы якындагы 90 көн эчендә үтәчәк.

Фото: photos.rg.ru