Русиялеләр Кыш Бабайдан нәрсә көтә?

Яңа елга бүләккә заман балалары  – гаджетлар, өлкәннәр фатирлар сорый, дип уртаклаша Мәскәү утарындагы Кыш Бабай.

“Кечкенә кеше өлкәннәргә охшый бит инде ул. Гаджетлар сорыйлар. Уенчыкларга килгәндә инде, алары да үзгәреп тора. Хәзер күбрәк кибернетик-электрон уенчыклар сорыйлар. Тагын нәрсә? Курчаклар, кәнфитләр... Ата-аналар кредит сорый да, кредит сорый... Ничек ярдәм итәргә дә аптыраган инде”, – дип сөйләгән Кыш Бабай РИА Новости агентлыгына.

Ә менә өлкәннәр, ди Кыш Бабай, еш кына Мәскәүдә яисә Санкт-Петербургта фатир сорыйлар икән.

“Әйтерсең, мин – төзүче. Боздан яисә агач кайрысыннан төзер өчен яссы табанлы аюларны, озын колаклы куяннарны җәлеп итә дә алырмын,  бәлки. Тик  үзләре дә уйласын инде. Мин – тылсымчы, әлбәттә, әмма барысы өчен дә түгел бит, бары тик  лаекларга гына”, – дип аңлата Кыш Бабай.

Моңа кадәр русиялеләр Яңа елга Кыш Бабайдан мөмкинлек булган хәлдә  бүләккә алырга теләгән нәрсәләрне атаган. Русиянең яшәүче күпчелек халык  (64%) Яңа елга үзләре һәм якыннары өчен сәламәтлек сорарга теләк белдергән. Калган 36% бәхет, сәяхәткә барырга, күбрәк акча эшләргә яисә бала табарга теләгән.

Чыганак: lenta.ru