Кылган гамәле өчен гафу үтенде

Европа Советының кеше хокуклары буенча комиссары Дуня Миятович бу карарны Братислава сәясәте корбаннарына компенсация түләү юнәлешендә беренче мөһим адым дип бәяләде.
Отчетларга караганда, чегән хатын-кызларын мәҗбүри стерильләштерү 1966 елдан алып 1989 елга кадәр гамәлдә булган. Төп максатлары - имин булмаган этник азчылык гаиләләрендә балалар санын киметүне эзәрлекләү. Шул ук вакытта коммунистик режим бетерелгәннән соң 1990 - 2004 еллар аралыгында хатын-кызларны бала тудырганнан соң стерилизацияләүгә ризалаштырганнар. Евросоюзның хокук сагы оешмалары Братиславаны күп тапкырлар корбаннарга компенсация түләргә чакырган.
Быел мартта аналыкларын мәҗбүри рәвештә алдыру буенча операция кичергән чегән хатын-кызларына Чехиянең компенсация түлиячәге мәгълүм булган иде. Һәр каза күрүче 12 мең евро тирәсе түләү алырга тиеш. 1970 - 1980 елларда Чехия территориясендә яшәгән меңнәрчә чегән хатын-кызы мәҗбүри рәвештә стерилизация үткән дип хәбәр ителә.
"Лента.ру"