Елена Малышева: Бу бит иң гүзәл вирус!

“Башта сез аны куркыныч түгел дидегез. Хәзер сез хөкүмәт телендә сөйлисез һәм аны бик хәвефле дисез. Кайда монда дөреслек?” — дип язган Малышевага бер подписчигы.

“Мин коронавирусны иң гүзәл вирусларның берсе дип исәпли идем, әле дә фикерем үзгәрмәде”, — дип аңлата алып баручы. Үзенең бу карашын Малышева коронавирустан үлүчеләрнең уртача гомере 79,5 яшь, ди. Ә балалар аны йоктырмый диярлек.

“Үлгәннәрнең уртача яше шулкадәр булган инфекцияне эзләсәң дә таба алмассың”, — ди Малышева. Шул ук вакытта ул өлкәннәр үләргә тиеш дип исәпләмәвен әйтте. Табибның үзенең әнисенә дә 86 яшь икән инде.

Ә шулай да, алып баручы фикеренчә, кызамык авыруы, хәтта аңардан вакцина булса да, күпкә хәвефлерәк. Сәбәбе шунда — кызамыктан балалар үлә, ә коронавирустан — юк.

Малышева сүзләре буенча, нәкъ шул зур бәхет тә инде.