Корольлек нефть “сугышы” ача

Сәгуд Гарәбстаны Русия белән нефть сугышында зур адым ясарга әзерләнгән. Моның өчен ул быел майда нефть экспортын арттырмакчы. Ул чимал җитештерүне түлегенә -12,3 млн. баррельгә җиткерергә исәпли. Ә үзенең эчке ихтыяҗы тәүлегенә 3,15 млн. баррель. Корольлек шулай итеп апрельдә экспортка тәүлегенә 9,15млн. баррель озатмакчы. Чагыштыру өчен: былтыр көненә 7 млн.га якын баррель саткан.

Русия белән Сәгуд Гарәбстаны нефть табуны киметү буенча 6 мартта ОПЕК+ килешүеннән чыктылар. Шуннан соң Мәскәү белән Әр-Рияд бәяләр сугышына күчте. Бу хәл исә базарда чимал бәясен түбән төшерде. 30 мартта Brent эталон нефте бәясенең 1 барреле ( 1баррель — 159 литр) 23 доллардан түбән төште. Бу — 2002 елдан алып иң түбән күрсәткеч.

Аптырарсың, басмада бер-берсенә юл бирми сөзешкән ике тәкә кебек, болай кылану бер илгә дә файдага түгел бит...