Яңа туган балаңа Коронавирус дип кушарсыңмы?

Сабыйның әти-әнисе сөйләвенчә кызчык 22 мартта Һиндстанда карантин игълан итәр алдыннан туган, шуңа күрә алар балаларына шундый үзенчәлекле исем уйлап тапканнар.
Алар үзләре бу хакта: "Корона куркыныч инфекциягә каршы көрәш символы булып тора. Коронавирус җир шарындагы бөтен халыкны да "уятты", тормышка башка төрле карарга өйрәтте. Корона — бердәмлек символы да", — диләр.

Сабый Һиндстанда комендант сәгате кертелергә берничә сәгать калгач туган. Хәзерге вакытта чыганакта кызның сәламәт булуы һәм әнисе белән бала тудыру йортыннан чыгарга әзерләнүе турында хәбәр ителә.