Акчасына хуҗа табылырмы?

Һиндстанның Мумбаи шәһәрендә яшәүче Бидичанд Панамарам Азад поезд астына эләгеп вафат булгач, полиция бу эшне ачыклауга алына.

Сораштыргач, мәрхүмнең бер фәкыйрь кеше булуын беләләр, гомере хәер сорашып үткән икән. Кем аңа акча биргән, кем ризык, шулай кешеләр ярдәм итеп торганнар.

Очын-очка ялгап яшәгән кешенең өенә килгәч, полиция хезмәткәрләре өй диварына терәп куелган капчыкларга игътибар иткән. Ни күрсеннәр, алар бугазына кадәр тәңкәләр белән тулган була, дип яза India Today басмасы.

Бу акча исәбенә чыкканчы сигез сәгать үткән...

Ахырда Бидичандның капчыкларында 1,7 миллион рупий, якынча 24 мең доллар акча булуы ачыкланган.