21 балалы гаиләнең җәйге ялы «хәрби операция”гә тиң

Англиядә яшәүче 21 бала анасы Сью Рэдфорд (Sue Radford) катлаулы һәм кыйммәткә төшә торган җәйге каникуллары турында сөйли. Һәр көн саен күп балалы анага 3әр сәгать җыештырынырга гына туры килгән. Бу хакта The Sun яза. Көн саен туклануга гаилә 350 фунт стерлинг туздырган (безнең акчаларда 28 000). Сью шулай ук җәйге каникулларда сатып аласы әйберләр исемлеге дә арта дип белдерә.

Гаиләдә 15 бала мәктәп яшендә, шуңа каникуллар вакытында барысы артыннан да карап-күзәтеп тору кыенлаша, ди Сью. Гаилә яллары исә “хәрби операция”гә тиңләшә ди, аеруча сәяхәткә әйберләр җыйганда. Яңа уку елы алдыннан Редфордлар гаиләсе Нидерландиягә җыена, анда аларга 7 чемодан җыярга туры киләчәк, ди.

44 яшьлек хатын ире Ноэль һәм балалары белән дәүләттән льготалар алмыйча диярлек яши (стандарт пособиеләрне исәпләмәгәндә). Гаилә башлыгы пекарня тота икән, шуннан алган керемгә көн күрә дә инде алар.

Гаиләдәге иң өлкән балага, Криска, инде 30 яшь. Ул аерым яши. Шулай ук 25 яшьлек Софи әти-әнисеннән аерым яши. Аның инде үзенең 3 баласы бар. Кечкенә Боннига исә 8 ай, гаиләдәге өлкәнрәк балалар аны карарга ярдәмләшә, ди. Гаилә Моркам шәһәрендә шәхси йортта яши.

Шундый гаиләләр турында укыганда таң калабыз инде. 2-3 бала үстерү кайчак шулкадәр авырга төшә дип зарлана кайсыбер ата-аналар. Ә монда... 21. Ходай Тәгалә ярдәменнән ташламасын инде!