Барый Алибасов үзенең улын мирассыз калдырмакчы

Сүз бәләкәй Барый турында. Агуланып дәваханәгә эләккән продюсер Барый Алибасов үзенең улын – бәләкәй Барыйны мирассыз калдырмакчы икән.

Барый абзый «Россия 1» каналындагы «Туры эфир» тапшыруын алып баручы Андрей Малаховка улын мирассыз калдырырга җыенуы турында әйтте.

Барый абзый белдерүенчә, берничә көн элек улы аның янына килеп, мирас турында сүз кузгаткан. Шуннан соң Барый абзый аны бөтенләй “гаиләдән” куып чыгару һәм мирассыз калдыру турында уйлана башлаган һәм: “Минем бөтен мирасым гади кешеләргә калыр”, - дип белдергән.