Митхун Чакраборти исән

Берничә ай элек социаль челтәрләрдә Болливуд йолдызы Митхун Чакрабортиның үлеме турында хәбәр таралды. Дөнья буйлап меңләгән кумирларының кәефен кырган бу яңалыкны актерның улы Намаши инкарь итте һәм әтисенең нибары дәваханәдә гадәти тикшеренү үтүен әйтте. Кеше үлгән икән дигән хәбәр таралса, аның гомере озын була диләр. Шулай булсын. Бүген исә кино йолдызына нибары 69 яшь тулды.

350дән артык кинода уйнаган актер, кино тәнкыйтьчесе Митхун Чакраборти 1950 елның 16 июнендә Көнчыгыш Пакистанда (Барислав) дөньяга килгән. Туганда аңа Гоуранга Чакраборти дип исем кушкан булганнар.