Сиси 2030 елга кадәр президент булырмы?

Сайлауда катнашкан мисырлыларның 89 проценты ил конституциясен үзгәртү яклы тавыш биргән. Аның эченә президент вәкаләтләрен озайту мәсьәләсе дә кертелгән. Хәзер ил җитәкчесе Әбдел Фәттах Ас-Сиси 2030 елга кадәр президент вазифасын били алачак.

Төзәтмәләр тавыш бирү нәтиҗәләре билгеле булу белән үз көченә кергән. Ас-Сисиның әлеге президентлык срогы — икенчесе. Ул тәү тапкыр — 2014 елда, аннары 2018 елда икенче тапкыр сайлана. Конституциягә кертелгән үзгәрешләр аңа ил белән 4 ел түгел, ә 6 ел, ягъни 2022 елга кадәр, җитәкчелек итү мөмкинлеген бирә. Моннан тыш, Мисыр лидеры өченче срокка сайлану хокукы да алган. Өстәвенә, Ас-Сиси суд органнарының югары советын да җитәкләячәк.