Төрмәдә бер төн куну - 725 доллар

Япониянең борынгы төрмәләренең берсе Нараны кыйммәтле кунакханәгә әйләндерәчәкләр. Бу хакта News On Japan хәбәр итә.

Төрмә 1908 елда кызыл кирпечтән төзелгән булган. Анда 2017 елга кадәр балигъ булмаган җинаятьчеләрне тотканнар. Бүген исә бу бина әһәмиятле мәдәни объект булып санала. Аның реконструкциясенә 136 миллион доллар ягъни 8 889 640 000 сум тотарга ниятлиләр. Биек түшәмле камералардан - бүлмәләр, склад, ә сакчылар бүлмәләреннән рестораннар белән заллар ясаячаклар.

Бу кунакханәдә бер төн куну 450дән алып 725 долларга кадәр булачак.