Лампочка урламый гына утрау сатып алып булмый

Американың Флорида штатындагы Ки-Уэст шәһәрендә шәхси утрау һәм ике утар хуҗасы лампочка урлап тотылган. Бу хакта Miami Herald басмасы хәбәр итә.

59 яшьлек Эндрю Фрэнсис Липпи берничә көн кибеттә йөреп, ике кофеварка, сигез лампочка алган. Аннан аларны кире кайтарырга һәм акчасын алырга килгән. Әмма кибет хезмәткәрләре аның товарны алыштыруын сизгәннәр һәм полиция чакыртканнар. Бер кофеварка савытында иске савыт булса, икенчесендә баскетбол тубы яткан. Лампочкалар да икенче төрле маркалы икән. Зыянны 300 доллар 59 цент (19418 сум) дип бәяләгәннәр. Караклыкта гаепләп, кулга алынган Липпи барысын да инкарь итә. Аның сүзләренчә, сатучылар әйберләрне үзләре бутаган. Әмма видеокүзәтү камералары аның файдасына “сөйләми”.

Бер атна элек Липпи 8 миллион долларга америка филанторпы Эдвард Б.Найтның утарын һәм әлеге утар урнашкан шәхси утрауны сатып алган булган. Аның шулай ук икенче йорты да бар. Ул аны тәүлегенә 999 долларга (65 мең сумга) арендага бирә.