Гөлсирин Абдуллина: Утырып елыйсы килде

– Әйе, Аллага шөкер. Бала тудыру йортыннан кайткач та, утырып елыйсы килде. Гомумән, беренче мәлләрдә күңел тулган мизгелләр шактый булды.

Ул хисләрне әйтеп бетереп булмый, әниләр мине аңлар. Билгеле, үземә генә бик авыр булыр иде. Азат ярдәм итте, хәзер дә ярдәм итә. Яшь балалы гаиләләрнең төн йокысы булмый диярлек бит инде. Сылу көйсезләнгән чакта чиратлашып карыйбыз. Кыскасы, бик булыша ул миңа.