Ринат Рахматуллин: "Ир кешенең уңышы 90 процентка хатын-кыздан тора"

Җырчы Ринат Рахматуллин "Татар радиосы"нда кунакта булган. Туры эфир барышында ул хатын-кызның ир-ат тормышындагы роле турында фикерләрен җиткерә.

"Ир кешенең уңышы, алга барышы 90 процентка хатын-кыздан тора», – ди ул. Алып баручылар да аның бу фикере белән килешә, алар да – ир-атлар.

"Хатыннан, Аллаһка шөкер, уңдым. Яныңда мотиватор булу, нәрсә белән шөгыльләнгәнеңне аңлап, арттан төртеп торган кешең булу – икеләтә рәхәт", – ди Рахматуллин.

Бу хактагы видеоны сылтама аша карый аласыз.