Рөстәм Нәбиев Эверестны яулаган

Армиядә казарма җимерелүдән соң ике аяксыз калган блогер Рөстәм Нәбиев Эверестка менеп җитүен хәбәр иткән (8848,86 м). Ул бары тик кулларында гына менгән.

"Бу тауны яулавымны мине карап, күзәтеп барган һәркайсыгызга багышлыйм. Яшисез икән – көрәшегез! Ахырга кадәр көрәшегез", - дип язган Нәбиев. Ул тауда флаг һәм «Егылып төшкәннән соң тормыш бетә дип уйлаучыларга" дигән язу күтәргән. 

Биш ел эчендә ул Эльбрус (5642 м /5621 м), Манасла (8163 м), Арарат (5165 м), Казбек (5033 м), Килиманджаро (5895 м), Аконкагуа, (6962 м), Мәхәббәт пигы (2124 м) һәм Ирәмәл (1589 м) тауларын яулый. Якташыбыз белән горурланабыз! Афәрин, Рөстәм! ❤ Исән-сау әйләнеп кайт!