Данир Сабиров: Безнең хатыннар барлыгын болай да бөтен халык белә

Татарстанның халык артисты Раяз Фасихов һәм Татарстанның атказанган артисты Данир Сабиров ни өчен никах балдагын кимәү турындагы сорауга җавап бирделәр, дип хәбәр итә TMTV.

— Мин еш кына баян, гармун һәм башка уен коралларында уйныйм. Йөзек уен вакытында бик нык кыса һәм комачаулый, дөресен әйтәм. Әмма мин беркайчан да беркем алдында да өйләнгән булуымны яшермәдем, – дигән Раяз Фасихов.

- Безнең хатыннар барлыгын болай да бөтен халык белә, – дип өстәгән Данир Сабиров. Шуның өстенә, артист «иптәше» нең (хатынының) бу карар белән  риза булуын җиткергән.

Чыганак: https://kazanfirst.ru/