"Маугли" га әйләнгән балаларны тартып алганнар

Орджоникидзе районында күп балалы әнинең балаларын тартып алганнар. Аларны вакытлыча социаль приютка урнаштырганнар, дип хәбәр итә прокуратура матбугат хезмәте. Элегрәк «Честный репортаж» телеграм-каналы бу гаиләнең тарихын бастырган иде. Материалда 3 яшьтән алып 15 яшькә кадәрге биш бала тиешле тәрбия алмыйлар, антисанитария шартларында яшиләр, аларның әниләре спиртлы эчемлекләрне чиктән тыш күп куллана, диелә. Аның шешәдәшләре еш кына балаларны кыйный, дип раслый шаһитлар. Мәгълүмат массакүләм мәгълүмат чараларында басылганнан соң, күзәтчелек ведомствосы гаиләсен тикшергән. Хәзер прокуратурага Тикшерү үткәрергә һәм социаль хезмәтләр һәм опека органнары эшенә бәя бирергә кирәк булачак,алар социаль куркыныч хәлдә булган гаиләгә вакытында җавап бирмәгән.