Ратмир Мәүлиев нәрсәдә шикләнелә?

Кичә, 2 апрельдә, хокук саклау органнары хезмәткәрләренең Уфа мэры Ратмир Мәүлиевны кулга алулары турында билгеле булды.

Әлеге вакытта процессуаль гамәлләр комплексы үткәрә, аларның нәтиҗәләре буенча карала торган эш шартларына һәрьяклы һәм объектив бәя биреләчәк.

Республика башлыгы Радий Хәбиров Уфа хакимияте җитәкчелеге тирәсендәге хәлләр турында хәбәрдар.

Ратмир Мәүлиевка сораулар “Радуга” санаториенең җирләре белән бәйле махинацияләр аркасында барлыкка килүләре ихтимал, дип яза Mash МАХ-каналы. Түрәләр санаторий җирләрен межалап алган да, сатуларсыз үз кешеләренә саткан.

Моңа кадәр шушы ук эш буенча Уфаның ЕРКЦ генераль директоры Айгөл Винниковага карата җинаять эше кузгатылган. Җир участогы башкаланың гүзәл почмагында – “Зеленая роща” микрорайонының Караидел елгасына карап торган нарат урманында урнашкан.

Схема шулайрак булган, дип яза Mash. ЕРКЦ санаторийны үз филиалы итеп ясаган да, гаражлы 0,13 гектар мәйдандагы участокны бүлеп алган. Аны кадастр эшләре аша үткәргән, арытаба инде  җир участогын бернинди конкурс һәм аукционнарсыз сатканнар. “Радуга”ны арытаба да бүлгәләүне дәвам иткәннәр – әлегә билгеле булуынча, аның яңа хуҗалары башка җир участокларын да сатарга ниятләгән.

Чыганак: Mash МАХ-каналы.