Аделина Заһидуллина республиканың спорт даны нәрсәдән барлыкка килүен сөйләде

Башкортстан икенче мәртәбә илдәге иң дәрәҗәле бүләкләрнең берсен алды – 2025 елгы милли спорт премиясенең “Русия төбәге: РФнең иң яхшы субъекты” номинациясендә җиңүче булды.

Бу исем инфраструктурага инвестицияләр турыдан-туры спорт җиңүләренә һәм милләт сәламәтлегенә конвертацияләнә торган төбәккә бирелә. Иң югары стандартлар буенча стадионнар, боз ареналары һәм бассейннар төзү республикада яшәүчеләрнең барысына да спорт белән шөгыльләнер өчен тигез мөмкинлек бирә. Бу критерий – лидер төбәкнең спорт сәясәте нәтиҗәлелеген бәяләү өчен төп критерийлар арасында.

Башкортстан Башлыгы Радий Хәбиров ассызыклавынча, “бу югары бүләк бөтен республиканың: безнең идарә командасының, легендар, атаклы һәм спорт белән шөгыльләнә башлаган спортчыларның, тренерларның, методистларның, физкультура укытучыларының, яңа объектлар төзергә ярдәм итүче төзүчеләрнең зур, системалы эшенең нәтиҗәсе булып тора. Һәм, әлбәттә, Башкортстанда яшәүчеләрнең тырышлыгының нәтиҗәсе булып тора, алар спортны яраталар һәм бу мәхәббәтне үз балаларына тапшыралар”.

Бу җиңү – массакүләм спорт һәм югары казанышлар спорты аерылгысыз булган Башкортстанның комплекслы стратегиясен тану һәм төбәкнең социаль юнәлешле спорт сәясәтенең гомумрусия стандартын билгеләвен раслау.

Рапирада фехтовкалаучы Русия спортчысы, фехтование буенча Олимпия чемпионы, дөнья чемпионы Аделина Заһидуллина журналистлар белән әңгәмәдә спорт төбәгенең даны спорт традицияләреннән, тренерларның осталыгыннан, спортчыларның җиңүләреннән генә тормый, гәрчә Башкортостанның биредә, һичшиксез, горурланырлык нәрсәләре булса да, дип билгеләп үтте:

– Башкортстан Башлыгы Радий Хәбировның бу эштә шәхси кызыксынуын билгеләп үтми булмый. Аның башлангычы белән бездә дөньякүләм масштабтагы объектлар төзелә, аларны хәтта Уфага килүче чит ил спортчылары һәм белгечләре билгеләп үтә. Һәм, әлбәттә, бу объектларда төрле дәрәҗәдәге ярышлар уздыру. Мәсәлән, бездә беренче тапкыр һәм бик масштаблы итеп фехтование буенча Русия чемпионатын уздырдылар. Бүген Уфа икенче тапкыр хатын-кызлар арасында бокс буенча Русия чемпионатын каршылый. Шулай ук бер ел элек республикабыз башкаласында илебезнең төп спорт форумы – “Русия – спорт державасы”ның нинди киң колач һәм уңыш белән узуын барысы да хәтерли – аның турында әлегә кадәр сокланып сөйлиләр һәм үрнәк итеп куялар.

Чыганак: "Молодежая газета"