Уфада “URAMBAIRAM” урам спорты һәм мәдәнияте фестивале узачак

13 сентябрьдә Арт-КВАДРАТ мәйданчыгы янә урам мәдәниятен яратучыларны берләштерәчәк – монда масштаблы “URAMBAIRAM” фестивале узачак. Кунакларны 3х3 баскетбол, чирлидинг, фиджитал-ярышлар һәм брейк-данс буенча баттллар көтә.

3х3 баскетбол буенча  ярышлар алты категориядә узачак: 12-15 яшьлек кызлар-малайлар, 16-21 яшьлек үсмер кызлар-малайлар, шулай ук 22 яшьтән өлкәнрәк ир-атлар һәм хатын-кызлар. Командаларны теркәү FIBA 3x3 платформасында 7 сентябрьгә кадәр ачык.

Фиджитал-баскетбол, брейкинг һәм чирлидинг буенча турнирларда катнашу өчен https://dynamoufa.ru сайтында теркәлергә кирәк.

Фестиваль кысаларында баскетбол буенча Русия чемпионатында чыгыш ясаячак “Динамо” баскетбол клубының яңартылган составын, шулай ук “Уфимец” БК командасын тәкъдир итү булачак. Кунаклар автограф һәм фотосессияләр вакытында спортчылар белән аралаша, шулай ук баскетболчылар белән активлыкларда катнаша алачак.

Фестивальне Martinez һәм air диджейлары, шулай ук “Summer breeze” һәм “Sunrise” кавер-төркемнәре музыкаль чыгышлары тулыландырачак, дип яза "Молодежная газета". 

Программасы:

• 17: 00 – фестиваль ачылышы;
• 17: 30 – 3х3баскетбол буенча финал уеннары 3х3;
• 19: 00 – музыкаль коллективлар чыгышы.

Керү һәм барлык активлыкларда катнашу бушлай. Фестиваль БР Спорт министрлыгы ярдәмендә үткәрелә.