Якташыбызның яңа җиңүе

Кемерово шәһәрендә күптән түгел ишетү сәләте бозылган затлар арасында ГТО Бөтенроссия физкультура-спорт комплексы фестивале узды. Башкортстан командасына безнең спортчыбыз — Рыскужино авылыннан Зөлфир Зәйнуллин да керде.

Ярышлар программасында ГТО комплексының иң популяр күнегүләре булган. Фестивальдә илнең төрле төбәкләреннән 19 команда катнашкан. Һәрберсе составында — 18 яшьтән 34 яшькә кадәрге дүртәр ир-ат һәм хатын-кыз.

Ике көнлек ярыш нәтиҗәләре буенча 20-24 яшьлек ир-атлар арасында шәхси зачетта беренче урынны Зөлфир яулады. Күп төр ярышлар буенча команда зачетында, шулай ук ГТО комплексы эстафетасында Башкортстан командасы икенче булды.

Бу хакта «Әбҗәлил» сайтында Нәсимә Әксәнова хәбәр итә