Социаль пособиеләр артуның графигы нинди?

Дәүләт Думасының хезмәт, социаль сәясәт һәм ветераннар эшләре буенча  комитет әгъзасы Светлана Бессараб 1 августтан  эшләүче пенсионерларга түләүләр артуы турында хәбәр итте.

Депутат барлык социаль пособиеләр артуының графигын ачыклады.

“1  гыйнвардан турыдан-туры хезмәт хакына бәйле түләүләр артачак. Мәсәлән, вакытлыча эшкә яраксызлык  буенча пособие, йөклелек һәм бала табу буенча пособие. Хезмәт хакының минималь күләме  бездә 1 гыйнвардан  артканга күрә бу түләүләр дә 1 гыйнвардан артачак”, – дип хәбәр итте депутат.

Ә 1 февральдән, парламентарий сүзләренә караганда, Русиядә барлык социаль түләүләр һәм ташламалар артачак.

"Бу ана гаилә капиталы, төрле төрдәге пособиеләр – инвалидлык, мохтаҗлык буенча. Барлык социаль түләүләр пенсия белән беррәттән арта. Мәсәлән, киләсе елга картлык буенча страховка пенсиясен ике мәртәбә арттыру планлаштырыла: 1 февральдән инфляция процентына һәм 1 апрельдән фондның инвестиция портфелен үстерүгә. Быел без 1 гыйнвардан бер тапкыр арттырдык. 1 апрельдән социаль түләүләр арттырылачак", – дип уртаклашты сәясәтче.

Шулай ук Бессараб 1 августтан эшләүче пенсионерларның пенсияләре арттырылачак, дип өстәде.

"1 октябрьдән хәрбиләрнең пенсияләре арта, шулай ук хәрбиләрнең акчалата тәэмин ителеше арта. Шулай ук еш кына 1 октябрьдән көч блогы хезмәткәрләренең, дәүләт хезмәткәрләренең хезмәт хаклары арта”, — дип йомгаклады ул.

“Шулай итеп, бездә ел саен арту бара, әмма әлеге вакытта без ниндидер конкрет арту турында  фикер алышмыйбыз”, – дип билгеләп үтте Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб.

Чыганак: lenta.ru