Хыяллар тормышка ашкан вакыт

Һәр елдагыча республикада “Теләкләр чыршысы” Бөтенрусия акциясе старт алды. Бик күп чакмагышлылар бу искиткеч матур хәйрия акциясенә быел да дәррәү кушылды.

24 декабрьдә муниципаль район хакимияте башлыгы Реканс Ямалеев, аның урынбасарлары, БР Дәүләт Җыелышы – Корылтай депутаты Вадим Соколов, муниципаль район Советы рәисе Ләйсән Раул кызы Мостафина, районыбызның оешма-предприятие, учреждениеләре җитәкчеләре кечкенә райондашларыбызның иң изге теләкләрен тормышка ашырды.

“Теләкләр чыршысы” акциясе – искиткеч матур традициягә әйләнде. Быел да күп кенә кечкенә райондашларыбыз игелекле тылсымчыга әйләнде: бик күп балалар үзләре теләгән бүләкләрне алу шатлыгына ирештеләр.

Автор фотолары.