400гә якын кешене аварияле торактан күчерәчәкләр

Республикада 10 муниципалитетта  23 күп катлы аварияле йорттан 396 кешене күчерүгә юридик һәм оештырулы әзерлек 100 процентка тәэмин ителгән.

“Аварияле торактан күчерү программасының икенче этабын тулысынча контракладык, – дип хәбәр итте төзелеш министры вазифасын вакытлыча башкаручы Артём Ковшов. – Муниципалитетлардагы коллегаларга, төзүче оешмаларга һәм “Территорияләр үсеше фонды” хокукый компаниясенә җайга салынган эш өчен рәхмәтләремне җиткерәм. Без бергәләп кешеләргә яңа, лаеклы һәм хәвефсез тормыш өчен реаль шартлар тәмин итәр өчен реаль адымнар ясыйбыз”.

Артём Ковшов сүзләренчә,  әлеге вакытта торак сатып алуга 163 муниципаль контракт төзелгән. 110 контракт – Илеш, Тәтешле, Учалы, Бөре, Гафури районнарында  һәм Сибай шәһәрендә төзелгән йортлардагы фатирларга; 53 контракт – Благовещен, Дүртөйле, Чишмә һәм Гафури районнарындагы эксплуатациягә тапшырылган йортлардагы торакка. Тагын бер районда – Күгәрчендә –  күчеп килүчеләргә 2026 елда компенсацион түләүләр планлаштырылган.

Төзелеш министрлыгы башлыгы шулай ук 2025-2026 елларда тормышка ашырылган программаның икенче этабына 861 миллион сум акча бүленүен искә төшерде. Шуларның 510 миллионы – федераль чыганаклар һәм 350 миллионы – республика бюджеты акчалары. 

Чыганак: lenta.ru